13

അകത്തുനിന്ന് എന്തൊക്കയോ കുശു കുശുക്കലുകൾ ഉയർന്നു കേൾക്കുന്നു ഒന്നൊരു  സ്ത്രി ശബ്ദമാണ് .

ഭാര്യയായിരിക്കും 

ഏതാനും നിമിഷത്തെ കാത്തിരിപ്പിനൊടുവിൽ  മണിച്ചേട്ടന്റെ തല പുറത്തേക്കു വന്നു കൂടെ മണിച്ചേട്ടനും .

അകത്തോട്ടു വാടാ 

ശങ്കിച്ചുനിന്ന എന്റെ മുന്നിലേക്ക്  നന്നായി വെളുത്ത്   ഉയരം കുറഞ്ഞ  അല്പം തടിച്ച ഒരു സ്ത്രികൂടി  കടന്നുവന്നു  ചിരിച്ചുകൊണ്ട് അവരും എന്നെ അകത്തേക്കു സ്വാഗതം ചെയ്തു .

അകത്തോട്ടു വായോ 

അകത്തോട്ടു കയറിയ എനിക്ക്  എന്റെ കണ്ണുകളെ വിശ്വസിക്കാനായില്ല   ഞാൻ കണ്ണുചിമ്മി ഒന്നുകൂടി നോക്കി .

ഏകദേശം നാലടിയോളം പൊക്കത്തിലുള്ള ഒരു സ്റ്റീൽ അലമാരക്കു മുകളിൽ , ഒരു ചെറിയ ബ്ലാക്ക്‌ & വൈറ്റ് ടി.വി  ഇരിക്കുന്നു  അതിൽ  ഏതോ ഒരു ഗാനം  ആകാംക്ഷയോടെ കണ്ടു കൊണ്ടിരിക്കുന്ന രണ്ടു  കുട്ടികൾ .

എന്നെ അത്ഭുതപരതന്ത്രനാക്കിതീർത്തത്   ആ  ടി.വിയായിരുന്നു  കാരണം ടി .വി. എന്നു പറഞ്ഞാൽ  അന്നതൊരു ആഡംബ്ബര വസ്തു തന്നെയാണ്   ടി.വി സ്വന്തമായി  വാങ്ങുവാൻ  കഴിവുള്ള ഇവർ നിസ്സാരന്മാരായിരിക്കുകയില്ല  എന്നെനിക്കു തോന്നി .


അന്നത്തെ കാലത്ത് , റേഡിയോ സ്വന്തമായി ഉള്ളവന്റെ ഭാവം പണക്കാരനാണെന്നതായിരുന്നു എന്നതല്ല  പണക്കാരൻ തന്നെ ആയിരുന്നു 
അപ്പോൾ ടി .വി. ഉള്ളവന്റെ കാര്യം പറയുവാനുണ്ടോ ?

ഞങ്ങളുടെ ഗ്രാമത്തിലന്ന്  ടി.വി. ഉള്ളത് ഒരേ ഒരു  വീട്ടിൽ മാത്രമായിരുന്നു  ലോനചേട്ടന്റെ. 

ടി.വി. മാത്രമല്ല വി.സി.ആറും , ഫ്രിഡ്ജ്ജും ഒക്കെയുണ്ട്  അവരുടെ  വീട്ടിൽ .

അന്നതൊക്കെ ഗ്രാമവാസികൾക്കെല്ലാവർക്കും വലിയ അത്ഭുതമായിരുന്നു.