പിന്നെയൊന്നും ചോദിക്കുവാനും പറയുവാനും ഇല്ലാത്തവനെപ്പോലെ ഞാനതും നോക്കി നിന്നു .
നിശ്ശബ്ദതക്ക് സമയദൈർഖ്യമേറിയപ്പോൾ ഒന്നു മുരടനക്കിക്കൊണ്ട്, ഞാൻ വീണ്ടും ചോദിച്ചു .
ചേട്ടാ, എനിക്കൊരു ജോലി ശരിയാക്കിത്തരാൻ പറ്റോ ?
അയാൾ ഒന്നും മിണ്ടാതെ എഴുതിക്കൊണ്ടിരുന്ന ബുക്കിനു നടുവിൽ പേന വെച്ചു മടക്കി അതാ മേശയുടെ ഒരു മൂലയിലേക്ക് എടുത്തിട്ടു . എന്നിട്ട് തുറന്നുകിടന്ന മേശവലിപ്പ് അടച്ചുകൊണ്ട് കസേരയുടെ പിന്നിലേക്ക് ഒന്നുകൂടി ചാഞ്ഞുകൊണ്ട് കൈകൾ രണ്ടും കൂട്ടി പിണച്ച് മുകളിലോട്ടുയർത്തി ദീർഘമായി ഒരു കോട്ടുവാ വിട്ടു
നീ എന്റെ കൂടെ നിന്നോടാ താമസിക്കാനുള്ള സ്ഥലവും ,ഭക്ഷണവും , പിന്നെ ചെറിയൊരു ശമ്പളവും തരാം .
കേട്ടതു വിശ്വസിക്കാനാകാത്തതു പോലെ ഞാനൊരു നിമിഷം തരിച്ചു നിന്നു .
എന്നാൽ മണിചേട്ടന്റെ അടുത്ത ചോദ്യമാണ് എന്നെ ഞെട്ടിപ്പിച്ചത് .
നിനക്ക് അപ്പം ഉണ്ടാക്കാൻ അറിയാമോ?
അപ്പമോ ? ഞാനൊന്നമ്പരന്നു ജോലിയെ കുറിച്ചുള്ള എന്റെ സങ്കല്പങ്ങളിൽ ഒരിക്കലും പ്രതിക്ഷിക്കാത്ത ഒന്നായിരുന്നുവത് അപ്പം തിന്ന് പരിചയം ഉണ്ടെന്നല്ലാതെ അതുണ്ടാക്കുന്ന വിധം എനിക്ക് തീർത്തും അജ്ഞാതമായിരുന്നു
പക്ഷെ കിട്ടിയ പിടിവള്ളിയാണ്, വിട്ടുകളഞ്ഞാൽ പിന്നെ നിലയില്ലാക്കയത്തിൽ മുങ്ങി താഴെണ്ടിവരും എന്തുവന്നാലും ഒരു കൈ നോക്കുക തന്നെ .
ഞാൻ ഉണ്ടാക്കാം ചേട്ടാ ഒരാത്മധൈര്യത്തിൽ ഞാൻ അങ്ങനെ പറഞ്ഞു പോയെങ്കിലും ഉള്ളിൽ പടപടപ്പായിരുന്നു .
നീ പേടിക്കുകയൊന്നും വേണ്ട അത്ര വലിയ ബുദ്ധിമുട്ടുള്ള പണിയൊന്നുമല്ല , എല്ലാം ഞാൻ പറഞ്ഞു തരാം
ആ സ്വാന്തന വാക്കുകൾ എന്നിൽ കൂടുതൽ ആത്മവിശ്വാസം നിറച്ചു.