6

                                                                  
വിശപ്പ്  ചൂളം വിളിക്കാൻ ആരംഭിച്ചിരിക്കുന്നു 

എങ്കിലും വിശപ്പിനേക്കാളധികം എന്നെ അലട്ടിയ ചിന്ത എങ്ങിനെ ഇവിടെ ഒരു ജീവിതം കരുപ്പിടിപ്പിക്കാൻ പറ്റും എന്നുള്ളതായിരുന്നു .

ബോംബയെന്ന  മഹാനഗരത്തിൽ പച്ചപ്പിന്റെ ഒരു തുരുത്ത് എവിടെയാണ് കണ്ടെത്തുവാൻ കഴിയുക

ആരാണ് എന്നെ സഹായിക്കുക ? എവിടെയാണ്  ഞാൻ  ജീവിക്കുക ?

ഒരാവേശത്തിനു കയറി പോരുമ്പോൾ  ഈ വക ചോദ്യങ്ങൾ ഒന്നും തന്നെ എന്റെ ചിന്താമണ്ഡലത്തിലുണ്ടായിരുന്നില്ല എന്നുള്ളതായിരുന്നു സത്യം   

ഈ നഗരത്തെക്കുറിച്ചുള്ള  കേട്ടറിവ് ഒന്നു മാത്രമാണ്  ഇവിടേക്ക്  ജോലി തേടി വരുവാൻ എന്നെ പ്രേരിപ്പിച്ച മുഖ്യഘടകം .

എന്തു ജോലി ചെയ്താലും  ഇവിടെ ജീവിച്ചു പോകാൻ സാധിക്കും .

ഇതൊരു മഹാനഗരം തന്നെയാണ് കണ്ണഞ്ചിപ്പിക്കുന്ന മഹാനഗരം .
                                                                                                      ഒരുവശത്ത്എല്ലാസുഖസമൃദ്ധികളും  ആഡംബരങ്ങളും  മറുവശത്ത് കൊടിയ ദാരിദ്രവും  ദുരിതങ്ങളും 

ജീവിതത്തിന്റെ രണ്ടു വശങ്ങളും കണ്ടുമുട്ടുന്ന നഗരം  ചേരികളുടെയും  വേശ്യകളുടെയും ഭിക്ഷാടകരുടേയും കാര്യമെടുത്താൽ  അതിലും മുന്നിൽ തന്നെ .

സ്വന്തം സുഖഭോഗാസക്തിക്കുവേണ്ടി ലക്ഷങ്ങൾ ചിലവഴിക്കുന്നവർ ജീവിക്കുന്ന നഗരം .

ശരിരത്തിന്റെ നിലവാരമനുസരിച്ച് നൂറു രൂപാ മുതൽ ലക്ഷങ്ങൾ വരെ  പ്രതിഫലം വാങ്ങുന്നവർ  ജീവിക്കുന്ന നഗരം .

ഒരു നേരത്തെ ആഹാരത്തിനു വേണ്ടി  വേണ്ടി ശരീരം  വിൽക്കുന്നവർ ജീവിക്കുന്ന നഗരം .