The Incredible life..
73
ഒരിക്കൽ ഞാൻ സാമിജിയോട് ചോദിച്ചു ? ''സ്വാമിജി എന്തുകൊണ്ടാണ് ചിലർ നല്ലവരാകുന്നത് ചിലർ ദുഷിച്ചവരാകുന്നത് .? ഒരേ തരത്തിലുള്ള രൂപ ഭാവങ്ങളും അവയവങ്ങളും ഏവരിലും ഉണ്ടായിരിക്കേ ആളുകൾ എന്തുകൊണ്ട് പല തരക്കാരാകുന്നു ? ചിലർ ഡോക്ടർ ആകുന്നു ചിലർ എഞ്ചിനീയർ ആകുന്നു ചിലർ സ്പോര്ട്സ് മാൻ മാരാകുന്നു എല്ലാവരിലും ഉള്ള ശാരീരിക അവയവങ്ങൾ എല്ലാം ഒരു പോലെയായിരിക്കെ അവർ എന്തുകൊണ്ട് പരസ്പരം വ്യത്യസ്ഥരാകുന്നു.? അതുപോലെ തന്നെ സ്വഭാവങ്ങളിലും പരസ്പരം വ്യത്യസ്ഥത പുലർത്തുന്നു ?''
''ഈ തരംതിരിവുകൾ . അല്ലെങ്കിൽ വ്യത്യാസങ്ങൾ കുറെയെല്ലാം ജന്മവാസനകൾ കൊണ്ടും പിന്നെ വളർന്നു വരുന്ന സാഹചര്യങ്ങളും ചുറ്റുപാടുകളും നമ്മിലുണ്ടാക്കുന്ന പരിവർത്തനങ്ങളിൽ കൂടിയാണ് ജന്മനാ ഉള്ളത് എന്ന് പറയുന്നത് ജനിറ്റിക്‌ ഘടകങ്ങളുടെ സ്വാധീനം മൂലം സംഭവിക്കുന്നത്‌ ഒരാളുടെ സ്വഭാവരൂപീകരണത്തിലും വളർച്ചയിലും ജനറ്റിക് ഘടകങ്ങളുടെ പങ്ക് വളരെ വലുതാണ്‌ . ഓരോരുത്തരിലും വ്യത്യസ്ഥങ്ങളായ ഘടനകൾ ആയിരിക്കും ഇതിനുണ്ടായിരിക്കുക .
ഒരു ഉദാഹരണം പറയുകയാണെങ്കിൽ കോപവാസന അധികമുള്ള അച്ഛനമ്മമാരുടെ മക്കൾക്ക് ആ കോപവാസന മറ്റുള്ളവരേക്കാൾ അല്പം അധികമായിട്ടായിരിക്കും ഉണ്ടായിരിക്കുക എന്നാൽ അവർ ജീവിച്ചുവരുന്ന ചുറ്റുപാടുകൾ ശാന്തപൂർവ്വമായ ഒരു അന്തരീക്ഷത്തിൽ ആണെങ്കിൽ ആ ചുറ്റുപാടുകൾ അവനെ മുൻകോപമില്ലാത്തവനാക്കി മാറ്റുന്നു ഇവിടെ വളർന്നു വരുന്ന സാഹചര്യങ്ങളുടെ സ്വാധീനം അവന്റെ ജീവിതത്തിൽ പ്രതിഫലിക്കുന്നു .
ഇവിടെ മുൻകോപക്കാരായ അച്ഛനമ്മമാരുടെ പാരമ്പര്യത്തിൽ നിന്ന് കൈമാറ്റം ചെയ്യപ്പെട്ട ആ ജനിറ്റിക്ക് ഘടകങ്ങൾ ഉൾവലിഞ്ഞു നിൽക്കുന്നു . ഇവിടെ വളർന്നു വരുന്ന സാഹചര്യങ്ങൾ ആ വ്യക്തിയിൽ ചെലുത്തുന്ന സ്വാധീന ഫലമായാണ് ഇത് സംഭവിക്കുന്നത്‌., എന്നാൽ കോപത്തിന്റെ ഈ ജനിറ്റിക്‌ ഘടകങ്ങൾ കൂടുതൽ ഉള്ള ഈ വ്യക്തി ജീവിക്കുന്നത് അതിന് സാഹചര്യം ഉളവാക്കുന്ന ജീവിത ചുറ്റുപാടുകളിൽ ആണെങ്കിലോ അയാളുടെ കോപം ഒന്നിനൊന്ന് അധികരിക്കപ്പെടുന്നു . ഇവിടെ അയാളുടെ ജനിറ്റിക്‌ ഘടകങ്ങൾക്ക് അനുകൂലമായ സാഹചര്യമാണ് ഉണ്ടാകുന്നത് .
ഇവിടെ മുൻപ് സൂചിപ്പിച്ചതനുസരിച്ച് കോപ വാസന കൂടുതലുള്ള വ്യക്തി ശാന്തമായ അന്തരീക്ഷത്തിൽ ജീവിച്ചു വരുമ്പോൾ അയാളുടെ കോപവാസന അടങ്ങിയിരിക്കുമെങ്കിലും അനുകൂല സാഹചര്യമുണ്ടായാൽ അയാളിൽ ഉറങ്ങിക്കിടക്കുന്ന ആ ജന്മവാസന ഉണരുക തന്നെ ചെയ്യും ഇതെല്ലാം നമ്മുടെ ശാരീരിക ഗതിവിഗതികളെ സ്വാധീനിക്കുന്ന ജനിറ്റിക്‌ ഘടകങ്ങളുടെ പ്രവർത്തന ഫലമായാണ് സംഭവിക്കുന്നത്‌ .
ഇതുപോലെ തന്നെയാണ് ശാന്തശീലരായ മാതാപിതാക്കൾക്ക് ജനിക്കുന്ന മക്കളുടെ സ്ഥിതിയും, അതും മേൽവിവരിച്ച ഘടകങ്ങൾക്കനുകൂലമായാണ് പ്രവർത്തിക്കുക .
ഒരു വ്യക്തിയുടെ ജീവിതത്തിൽ അയാളുടെ സ്വഭാവരൂപീകരണത്തിലും, വ്യക്തിത്വവികസനത്തിലും ജനിറ്റിക്‌ ഘടകങ്ങളുടെ സ്വാധീനം വളരെ വലുതായി തന്നെയുണ്ട്‌.
സ്പോർട്സിനോട് താല്പര്യമില്ലാത്ത ഒരാളെ ഇരുപത്തിനാലു മണിക്കൂറും സ്പോർട്സ് പരിശീലിപ്പിച്ചാലും അയാൾക്ക് അതിൽ ഒന്നാമനായിത്തീരാൻ കഴിയണമെന്നില്ല ഇതിനു കാരണം അയാളുടെ ജനിറ്റിക്‌ ഘടകങ്ങൾ ആണ് . ആ വ്യക്തിയുടെ ശരീരത്തിൽ ചിലപ്പോൾ ചിത്രകലയോട് ആഭിമുഖ്യമുള്ള അല്ലെങ്കിൽ ചിത്രകലയോട് ചേർന്നുനിൽക്കുന്ന ജനിറ്റിക്‌ ഘടകങ്ങളുടെ ധാരാളിത്തമായിരിക്കും ഉണ്ടായിരിക്കുക അതു തന്നെയായിരിക്കും അയാളുടെ ജന്മവാസനയും . എന്നാൽ അതിനോട് നീതി പുലർത്താതെ അയാളെ ഒരു സ്പോർട്സ് മാനാക്കി മാറ്റാൻ ശ്രമിക്കുന്നത് ശുദ്ധ വിഡ്ഢിത്തവും , അപ്രാപ്യവുമാണ്.
എന്നാൽ അയാളിലുള്ള ജന്മവാസനക്ക് അനുസൃതമായി അയാളെ ചിത്രകലയിലേക്ക് തന്നെ തിരിച്ചു വിടുകയാണെങ്കിലൊ അയാളിലുണ്ടാകുന്ന മാറ്റം അത്ഭുതാവഹമായിരിക്കും അതിൽ അയാൾ ഏറ്റവും ഉന്നതിയിലേക്ക് എത്തിച്ചേരുകയും ചെയ്യും .
നമ്മുടെ ശരീരത്തിലെ ഓരോ ഘടകങ്ങളേയും നിയന്ത്രിക്കുന്നതൊ അല്ലെങ്കിൽ നിയന്ത്രിക്കപ്പെടുന്നതോ ആയതിൽ ജനിറ്റിക്‌ ഘടകങ്ങളുടെ സ്വാധീനം വളരെ വലുതാണ്‌ ജീവന്റെ അംശം കുടികൊള്ളുന്ന ഏതൊരു വസ്തുവിന്റേയും കാര്യമെടുത്താലും ഈ ഒരു ജീവ ചക്രം തന്നെയാണ് അവലംബമായിട്ടുള്ളത് .
ഈ കാര്യത്തെപറ്റി കൂടുതൽ വിശദീകരിക്കുമ്പോൾ അനുബന്ധമായി മുൻപൊരിക്കൽ പറഞ്ഞതുപോലെ ''ചാൾസ് ഡാർവിന്റെ .'', പരിണാമ സിദ്ധാന്തത്തിന്റെ വിശ്വാസ്യതയെപറ്റി ഒന്നുകൂടി ചോദ്യം ചെയ്യപ്പെടെണ്ടാതായി വരും കാരണം ജനിറ്റിക്ക് റൊട്ടേഷൻ അനുസരിച്ച് മനുഷ്യനിൽ നിന്ന് മനുഷ്യനും ആടിൽ നിന്ന് ആടിനും , പട്ടിയിൽ നിന്ന് പട്ടിക്കും പൂച്ചയിൽ നിന്ന് പൂച്ചക്കും മാവിൽ നിന്ന് മാവിനും പ്ലാവിൽ നിന്ന് പ്ലാവിനും , ഉള്ള നൈസർഗ്ഗീഗമായ പ്രക്രതിയുടെ സന്തുലിതമായ തരത്തിലുള്ള ഉല്പാദനം മാത്രമേ സാദ്ധ്യമാവുകയുള്ളൂ . അല്ലാതെ മാവിൽ നിന്ന് പ്ലാവും പട്ടിയിൽ നിന്ന് പൂച്ചയും ഉണ്ടാകില്ല .
മനുഷ്യന്റെ ജനിറ്റിക്‌ ഘടകങ്ങൾക്ക് മനുഷ്യന്റെതിൽ മാത്രമേ നിലനിൽക്കാൻ കഴിയുകയുള്ളൂ അതുപോലെ തന്നെ മൃഗങ്ങൾക്കും.വൃക്ഷങ്ങൾക്കും ജീവനുള്ള ഏതൊരു വസ്തുവിനും അങ്ങിനെ തന്നെ .
ഇങ്ങനെയാണെങ്കിൽ രൂപപരിണാമത്തിൽ കൂടി എങ്ങിനെയാണ് ഒരു വസ്തു മറ്റൊന്നായിത്തീരുക ? അങ്ങിനെയാവാൻ സാദ്ധ്യവുമല്ല കുരങ്ങനിൽ നിന്ന് കോടാനുകോടി വർഷങ്ങളുടെ കാലാന്തരങ്ങൾ കൊണ്ട് രൂപ പരിണാമം സംഭവിച്ച് മനുഷ്യനുണ്ടായി എന്ന് പറയുന്നതിന്റെ ആധികാരികത വിശ്വാസയോഗ്യമായി തോന്നുന്നില്ല .
വർഷങ്ങളുടെ കാലയളവിൽ ചില വസ്തുക്കൾക്ക് പരിണാമങ്ങൾ സംഭവിച്ചേക്കാം എന്നാൽ ജീവനുള്ള ഏതും തന്നെ രൂപ പരിണാമം സംഭവിച്ച് മറ്റൊന്നായി തീരുക സാദ്ധ്യമല്ല . അങ്ങിനെയെങ്കിൽ ലക്ഷം വർഷങ്ങൾ പഴക്കമുള്ള മനുഷ്യൻ എന്തുകൊണ്ട് അവന്റെ ഇപ്പോഴത്തെ രൂപത്തിൽ നിന്നും രൂപപരിണാമം സംഭവിച്ച് മറ്റൊന്നായി തീരുന്നില്ല ? പരിണാമം എപ്പോഴും സംഭവിച്ച് കൊണ്ടിരിക്കുന്നതല്ലേ ? പട്ടി എന്തുകൊണ്ട് പൂച്ചയാകുന്നില്ല? അല്ലെങ്കിൽ മറ്റൊന്നാകുന്നില്ല , അതുപോലെ പ്ലാവ് എന്തുകൊണ്ട് മാവാകുന്നില്ല ?, അല്ലെങ്കിൽ മറ്റൊന്നായിത്തീരുന്നില്ല ?
അപ്പോൾ ഓരോ വസ്തുവിന്റേയും ഉത്ഭവം അതിന്റെ മൂലകോശത്തിൽ നിന്നുണ്ടായതാണ് .
അത് എങ്ങിനെയുണ്ടായി ഈ പ്രപഞ്ചം എങ്ങിനെയുണ്ടായി ഇതിനെല്ലാം ഒരു ഉത്തരമേയുള്ളൂ .
അദ്രിശ്യനായ ശക്തനായ ഒരു വ്യക്തിയുടെ കരവിരുത് .
അതാരുടെ ?, ദൈവത്തിന്റെതെന്നു നിസ്സംശയം പറയുവാൻ കഴിയും അപ്പോൾ സ്വാഭാവികമായും മുന്നൊരിക്കൽ ചോദിച്ചത് പോലെ ഒരു ചോദ്യം ഉയരും
''ദൈവം എങ്ങിനെയുണ്ടായി , ദൈവത്തെ ആര് സൃഷ്ട്ടിച്ചു .?''
അതിന്റെ ഉത്തരം എനിക്കെന്നല്ല ജീവനുള്ള ഏതിനും അജ്ഞാതമാണത് അതാണ്‌ സൃഷ്ട്ടിയുടെ രഹസ്യം പ്രപഞ്ച രഹസ്യം, അത് വെളിപ്പെടുത്താൻ ദൈവം ആഗ്രഹിക്കാത്തിടത്തോളം അത് അജ്ഞാതമാണ് ഈ അജ്ഞതയെ അങ്ങിനെ നില നിറുത്തുന്നതിലൂടെ ..ദൈവം മനുഷ്യന്റെ ബുദ്ധിക്ക് കടിഞ്ഞാണിടുന്നു .''